فجاوب و قال: اسمع يا زلمة
و عدد الاسباب التالية:
1- بحرنا ميت
2- وادينا ... وادي اليابس
3- خليجنا ... عقبه
4- رمزنا سوسنة سوداء
5- مطربنا المفضل ... متعب السقار
..... اسمه متعب من الله
6- من اسماءنا الاصيله
( متعب ، مهاوش ، زعل ، حرب)
7- مرات بندلع اولادنا ( يا غضيب )
8- اربع مرات بسنه وحده فقعتنا الحكومة رفع أسعار المحروقات ...
حتى القداحه ام الشلن صارت بربع ليره
طبيعي انه نكشر ....
9- أكبر نسبة مدخنين بالشرق الاوسط في الاردن
مين بالدنيا كلها بيدخن ملوخيه الا بالاردن ؟؟!!
10- مصطلح " الشرر بقدح من عيوني "
شائع في الاردن فقط
11- اول مزحه بنعلمها لاولادنا
" هسا بضربك بوكس بطيرك بفوكس بوديك عالقدس "
12- التار ولا العار يا هريدي ...
لا
هاي مش من عندنا
13- لما نفرح ......... بنطخ
الناس بتولع شمع
بتغني
بترقص
احنا بنطخ " لعلع البارود لعلع "
14- من اشهر اغانينا الشعبيه
( لا تظربني لا تظرب .. كسرت الخيزرانه )
بلشناها بظرب وختمناها بظرب
15- من اغانينا ايضا ...
يا ويل لاللي نحاربه ... بالسيف نقطع شاربه
" يا لطيف الطف "
16- حتى طبختنا .... مقلوبه
17- حتى الخروف اللي راسه عالمنسف بتحسه مكشر بخلقتك
و ما بدك ايانا نكشر
