twitter

0 التعليقات
Posted in أقسام المدونة



يا شمس فيني اشرقي
بددي الحزن الشديد
وجددي فيني الأمل بيومٍ جديد
بعثري فيني الظلام اللي حجب نورٍ أكيد
الصورة الرمزية عبير السالم
الفرح فيني انذبح والضيق كل لحظة يزيد
والألم فيني سكن ..وأصبح إحساسي بليد
تايه وحيد بدنيتي...
أرجي السعادة مُنيتي ..
ياوردتي يا وردتي... مامرت هنا فرحتي؟؟ ..
ماشفتي أسراب الطيور... تحمل حلم وزهور؟؟


في هذا المكان00بنفس الزمان..
شفته هنا على شاطىء هذا البحر
طُهر وملاك ماشفت مثله يابشر
عزة وشموخ وجمال يسلب هالنظر
الورد شافه وانبهر ماهو بشر إلا قمر
العطر يومه مرني ماهو عطرإلا أنفاسه سُكر
سبحان من هو صوره خلاني اتبع هالأثر..
يوم التفت فيني وحكى الكل من حكيه انسحر
الزهر منه افتتن والغيمة من روعته صارت مطر


في هذا المكان..بنفس الزمان..
والقلب مدري وش بلاه بس الأكيد هيضني هواه.
والروح يا شمس الفرح ماودها إلا رضاه..

في هذا المكان.. بنفس الزمان ..
مرتني الذكرى ..عتب
... حزن وتعب..
وحلم في ذاته انجرح ..
ينادي ليلة فرح...



في هذا المكان..بنفس الزمان..
أرتب حروف الغرام...
وأناشد حمامات السلام
أتمتم للفجر عبارات الهيام
وأتأمل في السما شكل الغمام


واليوم يابحر وينه ويني
ضعنا في دهاليز الغياب
من بعد ما كنا أحباب
لاتسأل عن ذاك الحنين
حتى الزهر مثلي حزين

يا شمس الفجر البعيد ..
مهما أبقى هنا وحيد..
باكر يجي يوم جديد..


❤ مدونة قلب العرب ❤

0 التعليقات:

إرسال تعليق

أخي \ أختي في الله ... تذكر(ي) دائما
قوله تعالى : ( مَا يَلفِظُ مِن قَولٍ إلا لَدَيهِ رَقِيبٌ عَتِيد )